ato logo
Search Suggestion:

ܫܲܪܸܪܘܼܢ ܐܵܘ ܡܲܚܒܸܪܘܼܢ ܒܘܼܕ ܚܕܵܐ ܐܸܓܲܪܬܵܐ ܕܥܲܠܕܵܝܬܵܐ

ܨܲܚܨܹܝܡܘܼܢ ܐܵܘ ܡܲܚܒܸܪܘܼܢ ܠܚܕܵܐ ܥܲܠܕܵܝܬܵܐ ܒܫܸܡܵܐ ATO ܘܝܕܝܼܥܡܘܼܢ ܚܲܕ݉ܟܡܵܐ ܢܝܼܫܲܢܩܹ̈ܐ ܕܙܘܼܗܵܪܵܐ ܘܕܥܲܠܕܵܝܵܬܹ̈ܐ ܕܡܲܕܵܐܬܵܐ ܒܐܘܼܖܚܵܐ ܕܬܹܠܝܼܦ̮ܘܿܢ، ܕܐܝܼܡܹܝܠ ܘܕܐܸܓܲܪ̈ܝܵܬܹܐ ܕܬܹܠܝܼܦ̮ܘܿܢ.

Last updated 16 June 2024

ܥܲܠ ܐܵܗܵܐ ܦܵܬܵܐ

ܫܲܪܸܪܘܼܢ ܒܘܼܕ ܚܕܵܐ ܐܸܓܲܪܬܵܐ ܕܥܲܠܕܵܝܬܵܐ

ܥܲܠܕܵܝܵܬܹ̈ܐ ܟܹܐ ܥܲܠܕܝܼܠܵܘܟ݂ܘܿܢ ܩܵܐ ܕܦܵܪܥܝܼܬܘܿܢ ܙܘܼܙܹ̈ܐ ܐܵܘ ܕܝܵܗܒ݂ܝܼܬܘܿܢ ܡܵܘܕܥܵܢܘܼܬܵܐ ܦܲܪܨܘܿܦܵܝܬܵܐ.

ܥܲܠܕܸܝܵܢܹ̈ܐ ܟܹܐ ܡܲܚܙܝܼ ܓܵܢܵܝܗܝ ܥܝܵܕܵܐܝܼܬ ܕܝܼܢܵܐ ܡ݂ܢ ܫܘܼܬܐܵܣܹ̈ܐ ܡܗܲܝܡܢܹ̈ܐ ܐܲܝܟ݂ ATO.

ܐܲܚܢܲܢ ܒܸܕ ܡܲܚܒܸܪܲܚܠܵܘܟ݂ܘܿܢ ܚܲܕ݉ܟܡܵܐ ܓܵܗܹ̈ܐ ܒܐܘܼܪܚܵܐ ܕܬܹܠܝܼܦ̮ܘܿܢ، ܐܵܘ ܕܐܹܝܡܹܝܠ، ܐܵܘ ܕܐܸܓܲܪܬܵܐ ܕܬܹܠܝܼܦ̮ܘܿܢ ܐܵܘ ܕܒܲܪܝܼܕܵܐ. ܐܸܢ ܠܵܐ ܝܬܘܿܢ ܚܲܬܝܼܬܹܐ ܕܝܼܘܲܚ ܒܲܫܪܵܪܵܐ ܐܲܚܢܲܢ، ܠܵܐ ܓ̰ܲܘܸܒܝܼܬܘܿܢ. ܘܵܠܹܐ ܕܡܲܚܒܸܪܝܼܬܘܿܢ ܠܲܢ ܥܲܠ ܪܲܩܡܵܐ ܕܬܹܠܝܼܦ̮ܘܿܢ 540 008 1800 ܩܵܐ ܚܲܬܲܬܵܐ.

ܡܲܚܒܸܪܘܼܢ ܒܘܼܕ ܚܕܵܐ ܐܸܓܲܪܬܵܐ ܕܥܲܠܕܵܝܬܵܐ

ܐܸܢ ܦܝܼܫܹܐ ܝܼܬܘܿܢ ܥܘܿܠܕܝܹܐ ܒܚܕܵܐ ܥܲܠܕܵܝܬܵܐ ܕܡܲܕܵܐܬܵܐ ܕ ATO، ܡܵܨܝܼܬܘܿܢ ܡܲܚܒܸܪܝܼܬܘܿܢ ܠܲܢ.

ܐܵܗܵܐ ܡܵܘܕܥܵܢܘܼܬܵܐ ܟܹܐ ܚܵܒ݂ܫܵܐ ܦܘܼܩܕܵܢܹ̈ܐ ܒܘܼܕ ܕܵܐܟ݂ܝܼ ܡܲܚܒܸܪܝܼܬܘܿܢ:

ܐܵܦ ܐܝܼܬ ܡܵܘܕܥܵܢܘܼܬܵܐ ܒܘܼܕ ܥܲܠܕܵܝܵܬܹ̈ܐ ܘܡܲܚܒܲܪܬܵܐ ܥܲܠ ܥܲܠܕܵܝܵܬܹ̈ܐ ܒܐܘܼܪܚܵܐ ܕ Easy Read ܘܠܸܫܵܢܹ̈ܐ ܐ݉ܚܪܹ̈ܢܹܐ.

ܥܲܠܕܵܝܵܬܹ̈ܐ ܒܐܘܼܪܚܵܐ ܕܬܹܠܝܼܦ̮ܘܿܢ

ܐܸܢ ܩܘܿܒܸܠܵܘܟ݂ܘܿܢ ܡܲܚܒܲܪܬܵܐ ܕܥܲܠܕܵܝܬܵܐ ܒܐܘܼܪܚܵܐ ܕܬܹܠܝܼܦ̮ܘܿܢܘܦܘܿܪܸܥܠܵܘܟ݂ܘܿܢ ܙܘܼܙܹ̈ܐ ܐܵܘ ܡܘܿܩܪܸܒ݂ܠܵܘܟ݂ܘܿܢ ܡܵܘܕܥܵܢܘܼܬܵܐ ܚܲܫܝܼܫܬܵܐ ܕܡܲܕܥܵܝܬܵܐ ܦܲܪܨܘܿܦܵܝܬܵܐ، ܡܲܚܒܸܪܘܼܢ ܠܲܢ ܥܲܠ ܪܲܩܡܵܐ ܕܬܹܠܝܼܦ̮ܘܿܢ 540 008 1800 ܩܵܐ ܡܲܚܒܲܪܬܲܢ ܒܘܼܕ ܕܝܼܵܗ̇.

ܐܵܦ ܘܵܠܹܐ ܥܲܠܵܘܟ݂ܘܿܢ ܕ:

  • ܡܲܚܒܸܪܝܼܬܘܿܢ ܪܘܼܫܡܵܐܝܼܬ ܩܵܐ ܦܘܿܠܝܼܣܹ̈ܐ ܕܓܵܘ ܡܲܗܲܠܵܘܟ݂ܘܿܢ
  • ܡܲܚܒܸܪܝܼܬܘܿܢ ܩܵܐ ܒܲܢܟܵܘܟ݂ܘܿܢ ܐܵܘ ܫܘܼܬܐܵܣܵܘܟ݂ܘܿܢ ܙܘܼܙܵܢܵܝܵܐ ܐܸܢ ܡܘܿܩܪܸܒܹܐ ܝܬܘܿܢ ܡܵܘܕܥܵܢܘܼܬܵܐ ܕܒܲܢܟܵܘܟ݂ܘܿܢ ܐܵܘ ܕܦܸܬܩܵܘܟ݂ܘܿܢ ܕܕܲܝܢܵܐ ܩܵܐ ܥܲܠܕܸܝܵܢܵܐ
  • ܡܲܚܒܸܪܝܼܬܘܿܢ ܩܵܐ ܒܲܢܟܵܐ ܕܦܘܿܪܸܥܠܵܘܟ݂ܘܿܢ ܙܘܼܙܹ̈ܐ ܩܵܐ ܠܹܗ ܘܕܡܲܩܪܸܒ݂ܝܼܬܘܿܢ ܬܲܫܪܵܪܵܐ ܕܥܲܠܕܵܝܬܵܐ.

ܐܸܢ ܩܘܿܒܸܠܵܘܟ݂ܘܿܢ ܡܲܚܒܲܪܬܵܐ ܕܥܲܠܕܵܝܬܵܐ ܒܐܘܼܪܚܵܐ ܕܬܹܠܝܼܦ̮ܘܿܢ ܘܠܵܐ ܝܬܘܿܢ ܦܘܿܪܸܥܹܐ ܙܘܼܙܹ̈ܐ ܐܵܘ ܡܘܿܩܪܸܒܹܐ ܡܵܘܕܥܵܢܘܼܬܵܐ ܚܲܫܝܼܫܬܵܐ ܕܡܲܕܥܵܝܬܵܐ ܦܲܪܨܘܿܦܵܝܬܵܐ ܩܵܐ ܥܲܠܕܸܝܵܢܵܐ، ܗܵܠܲܡ ܘܵܠܹܐ ܕܡܲܚܒܸܪܝܼܬܘܿܢ ܠܲܢ ܒܘܼܕ ܥܲܠܕܵܝܬܵܐ. ܡܵܨܝܼܬܘܿܢ ܡܲܦܠܸܚܝܼܬܘܿܢ ܒܐܘܼܪܚܵܐ ܕܐܸܢܬܸܪܢܹܝܬ ܬܲܫܪܵܪܵܐ ܕܥܲܠܕܵܝܬܵܐ ܒܡܠܲܝܬܵܐ ܕܦܸܬܩܵܐ.

ܥܲܠܕܵܝܵܬܹ̈ܐ ܒܐܘܼܪܚܵܐ ܕܐܹܝܼܡܹܝܠ ܘܐܸܓܲܪ̈ܝܵܬܹܐ ܕܬܹܠܝܼܦ̮ܘܿܢ

ܐܸܢ ܩܘܿܒܸܠܵܘܟ݂ܘܿܢ ܐܝܼܡܹܝܠ ܐܵܘ ܐܸܓܲܪܬܵܐ ܕܥܲܠܕܵܝܬܵܐ ܒܐܘܼܪܚܵܐ ܕܬܹܠܝܼܦ̮ܘܿܢ، ܠܵܐ ܢܵܩܪܝܼܬܘܿܢ ܥܲܠ ܗܸܟ̰ ܐܲܣܘܼܪܵܐ ܐܵܘ ܦܵܬܚܝܼܬܘܿܢ ܠܦܵܦܹ̈ܐ ܐ݇ܣܝܼܪܹ̈ܐ ܐܵܘ ܡܲܨܠܝܼܬܘܿܢ ܠܗ݉ܘܿܢ.

ܐܸܢ ܝܼܬܘܿܢ ܦܘܿܪܸܥܹܐ ܙܘܼܙܹ̈ܐ ܐܵܘ ܡܘܿܩܪܸܒܹܐ ܡܵܘܕܥܵܢܘܼܬܵܐ ܚܲܫܝܼܫܬܵܐ ܕܡܲܕܥܵܝܬܵܐ ܦܲܪܨܘܿܦܵܝܬܵܐ ܩܵܐ ܥܲܠܕܸܝܵܢܵܐ، ܡܲܚܒܸܪܘܼܢ ܠܲܢ ܥܲܠ ܪܲܩܡܵܐ ܕܬܹܠܝܼܦ̮ܘܿܢ 540 008 1800 ܩܵܐ ܡܲܕܥܲܝܬܢ ܒܘܼܕ ܥܲܠܕܵܝܬܵܐ.

ܘܵܠܹܐ ܥܲܠܵܘܟ݂ܘܿܢ ܐܵܦ ܕ:

  • ܡܲܚܒܸܪܝܼܬܘܿܢ ܪܘܼܫܡܵܐܝܼܬ ܩܵܐ ܦܘܿܠܝܼܣܹ̈ܐ ܕܓܵܘ ܡܲܗܲܠܵܘܟ݂ܘܿܢ
  • ܡܲܚܒܸܪܝܼܬܘܿܢ ܩܵܐ ܒܲܢܟܵܘܟ݂ܘܿܢ ܐܵܘ ܫܘܼܬܐܵܣܵܘܟ݂ܘܿܢ ܙܘܼܙܵܢܵܝܵܐ ܐܸܢ ܡܘܿܩܪܸܒܹܐ ܝܬܘܿܢ ܡܵܘܕܥܵܢܘܼܬܵܐ ܕܒܲܢܟܵܘܟ݂ܘܿܢ ܐܵܘ ܕܦܸܬܩܵܘܟ݂ܘܿܢ ܕܕܲܝܢܵܐ ܩܵܐ ܥܲܠܕܸܝܵܢܵܐ
  • ܡܲܚܒܸܪܝܼܬܘܿܢ ܩܵܐ ܒܲܢܟܵܐ ܕܦܘܿܪܸܥܠܵܘܟ݂ܘܿܢ ܙܘܼܙܹ̈ܐ ܩܵܐ ܠܹܗ ܘܕܡܲܩܪܸܒ݂ܝܼܬܘܿܢ ܬܲܫܪܵܪܵܐ ܕܥܲܠܕܵܝܬܵܐ.

ܐܸܢ ܐܲܚܬܘܿܢ ܠܵܐ ܝܬܘܿܢ ܦܘܿܪܸܥܹܐ ܙܘܼܙܹ̈ܐ ܐܵܘ ܡܘܿܩܪܸܒܹܐ ܡܵܘܕܥܵܢܘܼܬܵܐ ܚܲܫܝܼܫܬܵܐ ܕܡܲܕܥܵܝܬܵܐ ܦܲܪܨܘܿܦܵܝܬܵܐ ܩܵܐ ܥܲܠܕܸܝܵܢܵܐ، ܗܵܠܲܡ ܘܵܠܹܐ ܕܡܲܚܒܸܪܝܼܬܘܿܢ ܠܲܢ ܒܘܼܕ ܥܲܠܕܵܝܬܵܐ. ܡܵܨܝܼܬܘܿܢ ܥܵܒ݂ܕܝܼܬܘܿܢ ܠܚܲܕ݉ ܡ݂ܢ ܐܲܢܹܐ:

  • ܫܲܕܪܝܼܬܘܼܢ ܟܠܹܗ ܐܝܼܡܹܝܠ ܩܵܐReportScams@ato.gov.au
  • ܫܵܩܠܝܼܬܘܿܢ ܫܸܟܠܵܐ ܕܐܸܓܲܪܬܵܐ ܕܬܹܠܝܼܦ̮ܘܿܢ ܘܫܲܕܪܝܼܬܘܿܢ ܠܵܗ̇ ܠܐܝܼܡܹܝܠReportScams@ato.gov.au

ܫܵܝܦܝܼܬܘܿܢ ܠܐܝܼܡܹܝܠ ܐܵܘ ܠܐܸܓܲܪܬܵܐ ܕܬܹܠܝܼܦ̮ܘܿܢ ܒܵܬܲܪ ܕܩܵܡ ܡܲܚܒܸܪܝܼܬܘܿܢ ܠܲܢ.

ܡܵܨܝܼܬܘܼܢ ܡܲܚܒܸܪܝܼܬܘܿܢ ܒܘܼܕ ܦܸܨܠܹ̈ܐ ܐ݉ܚܪܹ̈ܢܹܐ ܕܥܲܠܕܵܝܬܵܐ ܩܵܐ Scamwatch ܐܵܘ ܡܲܚܒܸܪܝܼܬܘܿܢ ܩܵܐ Australian Cyber Security Centre ܩܵܐ ܡܲܕܥܵܝܬܵܐ ܒܘܼܕ ܓܘܼܢܚܵܐ ܣܵܝܒܪܵܢܵܝܵܐ.

ܥܲܠܕܵܝܵܬܹ̈ܐ ܒܐܘܼܪܚܵܐ ܕܝܘܼܕܵܥܵܐ ܫܵܘܬܵܦܵܝܵܐ

ܡܘܿܣܝܸܡܠܲܢ ܒܵܠܵܐ ܒܥܸܕܵܢܵܐ ܐ݉ܚܵܪܵܝܬܵܐ ܕܐܝܼܬ ܪܵܒܵܐ ܚܘܼܫܒܘܼܢܝܹ̈ܐ ܕܝܘܼܕܵܥܵܐ ܫܵܘܬܵܦܵܝܵܐ ܡܲܦܠܘܿܚܹܐ ܝܢܵܐ ܒܥܲܠܕܵܝܬܵܐ ܕܗܝܼܵܝܘܼܬܲܢ.

ܐܼܢ ܓ̰ܘܼܪܸܒܠܹܗ ܚܲܕ݉ ܚܘܼܫܒܘܼܢܝܵܐ ܕܝܘܼܕܵܥܵܐ ܫܵܘܬܵܦܵܝܵܐ ܕܝܵܗܸܒ݂ ܘܫܵܩܸܠ ܥܲܡܵܘܟ݂ܘܿܢ ܒܐܘܼܪܚܵܐ ܕܥܲܠܕܵܝܬܵܐ ܕܗܝܼܵܝܘܼܬܲܢ، ܠܵܐ ܝܵܗܒ݂ܝܼܬܘܼܢ ܘܫܵܩܠܝܼܬܘܿܢ ܥܲܡܹܗ. ܫܩܘܿܠܘܼܢ ܫܸܟܠܵܐ ܕܚܘܼܫܒܘܼܢܝܵܐ ܐܵܘ ܕܐܸܓܲܪܬܵܐ ܘܫܲܕܪܘܼܢ ܠܹܗ ܒܐܝܼܡܹܝܠ ܩܵܐ ReportScams@ato.gov.au.

ܢܝܼܫܲܢܩܹ̈ܐ ܕܙܘܼܗܵܪܵܐ ܕܥܲܠܕܵܝܵܬܹ̈ܐ ܕܡܲܕܵܐܬܵܐ

ܥܲܠܕܸܝܵܢܹ̈ܐ ܟܹܐ ܡܲܫܟ݂ܚܝܼ ܗܲܡܵܫܵܐ ܐܘܼܪ̈ܚܵܬܹܐ ܚܲܕܬܹ̈ܐ ܩܵܐ ܥܲܠܕܵܝܬܵܐ ܕܐ݉ܢܵܫܹ̈ܐ.

ܐܝܼܬ ܚܲܕ݉ܟܡܵܐ ܢܝܼܫܲܢܩܹ̈ܐ ܕܙܘܼܗܵܪܵܐ ܝܕܝܼܥܹ̈ܐ ܩܵܐ ܗܲܝܲܪܬܵܘܟ݂ܘܿܢ ܕܫܲܪܸܪܝܼܬܘܿܢ ܐܸܢ ܡܲܚܒܲܪܬܵܐ ܝܼܠܵܗ̇ ܡ݂ܢ ܚܲܕ݉ ܥܲܠܕܸܝܵܢܵܐ ܐܵܘ ܡܸܢܲܢ:

ܐܵܦ ܡܵܨܝܼܬܘܿܢ ܕܝܵܕܥܝܼܬܘܿܢ ܒܘܼܕ current scams ܕܐܲܚܢܲܢ ܝܵܕܥܲܚ ܒܘܼܕ ܕܝܼܵܝܗܝ.

ܥܲܠܕܵܝܵܬܹ̈ܐ ܒܐܘܼܪܚܵܐ ܕܬܹܠܝܼܦ̮ܘܿܢ

ܦܝܼܫܠܗ݉ܘܿܢ ܡܫܘܿܡܗܹ̈ܐ ܚܲܕܟܡܵܐ ܕܝܼܠܵܝܵܬܹ̈ܐ ܕܥܲܠܕܵܝܵܬܹ̈ܐ ܒܐܘܼܪܚܵܐ ܕܬܹܠܝܼܦ̮ܘܿܢ ܓܵܘ ܣܸܕܪܵܐ ܕܐܸܠܬܸܚܬ. ܡܲܦܠܸܚܘܼܢ ܠܐܵܗܵܐ ܡܵܘܕܥܵܢܘܼܬܵܐ ܩܵܐ ܕܗܲܝܸܪܵܐ ܠܵܘܟ݂ܘܿܢ ܕܝܵܕܥܝܼܬܘܿܢ ܐܸܢ ܡܲܚܒܲܪܬܵܐ ܕܬܹܠܝܸܦ̮ܘܿܢ ܝܼܠܵܗ̇ ܡܸܢܲܢ ܐܵܘ ܡ݂ܢ ܚܲܕ݉ ܥܲܠܕܸܝܵܢܵܐ.

ܐܘܼܪܚܵܐ ܕܝܕܵܥܬܵܐ ܕܐܸܓܲܪ̈ܝܵܬܹܐ ܕܥܲܠܕܵܝܬܵܐ ܕܬܹܠܝܼܦ̮ܘܿܢ

ܡܵܘܕܝܼ ܩܵܘܡܵܐ ܕܥܵܒ݂ܕܝܼ ܥܲܠܕܸܝܵܢܹ̈ܐ

ܐܘܼܪܚܵܐ ܕܦܘܼܠܚܵܢܲܢ

ܩܵܘܡܵܐ ܕܓܵܙܡܝܼ ܠܵܘܟ݂ܘܿܢ ܥܲܠܕܸܝܵܢܹ̈ܐ ܒܕܒ݂ܵܩܬܵܘܟ݂ܘܿܢ ܓܵܘ ܒܹܝܬ ܚܒ݂ܘܼܫܝܵܐ ܚܲܕ݉ ܪܹܫܵܐ. ܟܹܐ ܥܵܒ݂ܕܝܼ ܠܐܵܗܵܐ ܩܵܐ ܕܡܲܙܕܝܼܥܠܵܘܟ݂ܘܿܢ ܪܵܒܵܐ ܘܡܲܟܠܝܼܠܵܘܟ݂ܘܿܢ ܡ݂ܢ ܬܲܚܡܲܢܬܵܐ ܬܪܝܼܨܬܵܐ.

ܐܲܚܢܲܢ ܗܸܟ̰ ܠܹܐ ܓܵܙܡܲܚܠܵܘܟ݂ܘܿܢ ܒܕܒ݂ܵܩܬܵܘܟ݂ܘܿܢ ܓܵܘ ܒܹܝܬ ܚܒ݂ܘܼܫܝܵܐ.

ܥܲܠܕܸܝܵܢܹ̈ܐ ܩܵܘܡܵܐ:

  • ܛܵܠܒܝܼ ܡܸܢܵܘܟ݂ܘܿܢ ܕܦܵܪܥܝܼܬܘܿܢ ܗܲܪ ܗܵܕܝܼܵܐ ܘܡܲܟܠܝܼܠܵܘܟ݂ܘܿܢ ܥܲܠ ܬܹܠܝܼܦ̮ܘܿܢ ܗܲܠ ܕܦܵܪܥܝܼܬܘܿܢ
  • ܐܵܡܪܝܼ ܐܸܢ ܕܒ݂ܝܼܪܠܵܘܟ݂ܘܿܢ ܠܬܹܠܝܼܦ̮ܘܿܢ ܒܸܕ ܫܲܕܪܝܼܠܵܘܟ݂ܘܿܢ ܡܲܦܣܵܢܘܼܬܵܐ ܕܕܒ݂ܵܩܬܵܐ ܓܵܘ ܒܹܝܬ ܚܒ݂ܘܼܫܝܵܐ.

 

ܟܹܐ ܡܲܦܠܸܚܝܼ ܠܐܲܢܹܐ ܓܸܙܡܹ̈ܐ ܩܵܐ ܕܫܵܒ݂ܩܝܼܠܵܘܟ݂ܘܿܢ ܕܦܵܪܥܝܼܬܘܿܢ ܡ̣ܢ ܩܲܕ݇ܡ ܚܘܼܬܵܡܵܐ ܕܡܲܚܒܲܪܬܵܐ ܕܬܹܠܝܼܦ̮ܘܿܢ.

ܐܲܚܢܲܢ ܗܸܟ̰ ܠܹܐ ܛܵܠܒܲܚ ܡܸܢܵܘܟ݂ܘܿܢ ܕܦܵܝܫܝܼܬܘܿܢ ܥܲܠ ܬܹܠܝܼܦ̮ܘܿܢ ܗܲܠ ܕܦܵܪܥܝܼܬܘܿܢ.

ܥܲܠܕܸܝܵܢܹ̈ܐ ܩܵܘܡܵܐ:

  • ܫܲܕܪܝܼ ܐܸܓܲܪ̈ܝܵܬܹܐ ܡܣܘܹܓ݂ܠܹ̈ܐ ܡ݂ܢ ܩܲܕ݉ܡ ܥܸܕܵܢܵܐ ܠܵܐ ܛܠܝܼܒܹ̈ܐ (ܡܲܚܒܲܪ̈ܝܵܬܹܐ ܐܘܿܬܘܿܡܵܬܝܼܟܵܝܹ̈ܐ) ܠܬܹܠܝܼܦ̮ܘܼܢܵܘܟ݂ܘܿܢ
  • ܫܵܒ݂ܩܝܼ ܐܸܓܲܪ̈ܝܵܬܹܐ ܩܵܠܵܝܹ̈ܐ ܥܲܠ ܬܹܠܝܼܦ̮ܘܼܢܵܘܟ݂ܘܿܢ ܘܛܵܠܒܝܼ ܡܸܢܵܘܟ݂ܘܿܢ ܕܕܵܥܪܝܼܬܘܿܢ ܡܲܚܒܸܪܝܼܬܘܿܢ ܠܗ݉ܘܿܢ.

 

ܐܲܚܢܲܢ ܗܸܟ̰ ܠܹܐ ܫܲܕܪܲܚ ܐܸܓܲܪ̈ܝܵܬܹܐ ܡܣܘܿܓ݂ܠܹ̈ܐ ܡ݂ܢ ܩܲܕ݉ܡ ܥܸܕܵܢܵܐ ܠܵܐ ܛܠܝܼܒܹ̈ܐ (ܡܲܚܒܲܪ̈ܝܵܬܹܐ ܐܘܿܬܘܿܡܵܬܝܼܟܵܝܹ̈ܐ) ܠܬܹܠܝܼܦ̮ܘܼܢܵܘܟ݂ܘܿܢ.

 

ܐܲܚܟ̰ܝܼ ܡܲܚܒܸܪܘܼܢ ܠܲܢ ܥܲܠ ܪܲܩܡܵܐ ܕܬܹܠܝܼܦ̮ܘܿܢ ܕܡܘܿܫܸܟ݂ܚܠܵܘܟ݂ܘܿܢ ܒܓܵܢܵܘܟ݂ܘܿܢ. ܠܵܐ ܡܲܚܒܸܪܝܼܬܘܿܢ ܥܲܠ ܪܲܩܡܵܐ ܝܗܝܼܒ݂ܵܐ ܩܵܐ ܠܵܘܟ݂ܘܿܢ ܓܵܘ ܡܲܚܒܲܪܬܵܐ ܐܵܘ ܐܸܓܲܪܬܵܐ ܩܵܠܵܝܬܵܐ.

ܥܲܠܕܸܝܵܢܹ̈ܐ ܩܵܘܡܵܐ ܕܡܲܦܠܸܚܝܼ ܬܸܟܢܘܿܠܘܿܓ̰ܝܵܐ ܩܵܐ ܕܡܲܚܙܝܼ ܪ̈ܲܩܡܹܐ ܫܲܪܝܼܪܹ̈ܐ ܕ ATO ܐܵܘ ܪ̈ܲܩܡܹܐ ܐܘܿܣܬܪ̈ܵܠܝܵܝܹܐ ܫܲܪܝܼܪܹ̈ܐ ܥܲܠ ܡܵܘܕܥܵܢܵܐ ܕܗܝܼܵܝܘܼܬܵܐ ܕܡܲܚܒܸܪ̈ܵܢܹܐ ܐܵܘ ܣܸܕܪܵܐ ܕܡܲܚܒܸܪ̈ܵܢܹܐ.

ܡܲܚܒܲܪ̈ܝܵܬܹܐ ܐܸܬܝܹ̈ܐ ܡ݂ܢ ATO ܠܹܐ ܡܲܚܙܝܼ ܠܪܲܩܡܵܐ. ܒܸܕ ܡܲܒܝܸܢܝܼ ܐܲܝܟ݂ ܠܲܝܬ ܡܵܘܕܥܵܢܵܐ ܕܗܝܼܵܝܘܼܬܵܐ ܕܡܲܚܒܸܪ̈ܵܢܹܐ.

 

ܐܲܚܟ̰ܝܼ ܼܡܲܚܒܸܪܘܼܢ ܠܲܢ ܥܲܠ ܪܲܩܡܵܐ ܕܬܹܠܝܼܦ̮ܘܿܢ ܕܡܘܿܫܸܟ݂ܚܠܵܘܟ݂ܘܿܢ ܒܓܵܢܵܘܟ݂ܘܿܢ. ܠܵܐ ܡܲܚܒܸܪܝܼܬܘܿܢ ܥܲܠ ܪܲܩܡܵܐ ܡܘܿܒܝܸܢܵܐ ܥܲܠ ܪܲܩܡܵܐ ܕܝܼܠܹܗ ܓܵܘ ܗܝܼܵܝܘܼܬܵܐ ܕܡܲܚܒܸܪܵܢܵܐ ܐܵܘ ܣܸܕܪܵܐ ܕܡܲܚܒܲܪܬܵܐ ܕܝܼܵܘܟ݂ܘܿܢ.

ܥܲܠܕܸܝܵܢܹ̈ܐ ܩܵܘܡܵܐ ܕܡܲܚܒܸܪܝܼܠܵܘܟ݂ܘܿܢ ܩܵܐ ܕܪܲܩܡܵܘܟ݂ܘܿܢ ܕܡܲܕܵܐܬܵܐ (TFN) ܦܝܼܫܵܐ ܝܠܹܗ ܡܒܘܿܛܠܵܐ ܐܵܘ ܡܘܿܟܠܸܝܵܐ ܒܣܵܒܵܒ ܕܚܲܠܲܠܬܵܐ ܕܙܘܼܙܹ̈ܐ ܐܵܘ ܒܣܵܒܵܒ ܕܥܒ݂ܵܕܹ̈ܐ ܓܘܼܢܚܵܝܹ̈ܐ ܐ݉ܚܪܹ̈ܢܹܐ.

 

ܒܸܕ ܐܵܡܪܝܼܠܵܘܟ݂ܘܿܢ ܕܣܢܝܼܩܹ̈ܐ ܝܬܘܿܢ ܩܵܐ:

  • ܕܦܵܪܥܝܼܬܘܿܢ ܠܙܘܼܙܹ̈ܐ ܩܵܐ ܕܦܵܪܩܝܼܬܘܿܢ ܡ݂ܢ ܕܒ݂ܵܩܬܵܐ ܓܵܘ ܒܹܝܬ ܚܒ݂ܘܼܫܝܵܐ ܐܵܘ ܡ݂ܢ ܫܲܕܲܪܬܵܐ ܠܒܹܝܬ ܕܝܼܢܵܐ.
  • ܫܲܢܝܼܬܘܼܢ ܙܘܼܙܵܘܟ݂ܘܿܢ ܠܚܲܕ݉ ܚܘܼܫܒܵܢܵܐ ܐܲܡܝܼܢܵܐ ܕܒܲܢܟܵܐ ܩܵܐ ܚܲܡܵܝܬܵܐ ܕܪܲܩܡܵܘܟ݂ܘܿܢ ܕ TFN ܡ݂ܢ ܥܲܠܕܵܝܬܵܐ ܒܕܲܥܬܝܼܕ.

 

ܐܲܚܢܲܢ ܠܹܐ ܡܒܲܛܠܲܚ ܠ TFNs.

 

ܫܲܪܸܪܘܼܢ ܗܲܡܵܫܵܐ ܕܒܸܝܵܗܒ݂ܵܐ ܘܒܸܫܩܵܠܵܐ ܝܬܘܿܢ ܥܲܡ ܚܕܵܐ ܘܲܟܝܼܠܘܼܬܵܐ ܩܵܢܘܿܢܵܝܬܵܐ ܩܲܕ݉ܡ ܕܝܵܗܒ݂ܝܼܬܘܿܢ ܚܕܵܐ ܡܵܘܕܥܵܢܘܼܬܵܐ. ܐܸܢ ܠܵܐ ܝܬܘܿܢ ܚܲܬܝܼܬܹ̈ܐ، ܕܒ݂ܘܿܪܘܼܢ ܠܹܗ ܬܸܠܝܼܦ̮ܘܿܢ.

 

ܡܵܨܝܼܬܘܿܢ ܕܡܲܚܒܸܪܝܼܬܘܿܢ ܠܲܢ phone us ܩܵܐ ܫܲܪܲܪܬܵܐ. ܐܲܚܟ̰ܝܼ ܡܲܚܒܸܪܘܼܢ ܠܲܢ ܥܲܠ ܪܲܩܡܵܐ ܕܬܹܠܝܼܦ̮ܘܿܢ ܕܡܘܿܫܸܟ݂ܚܠܵܘܟ݂ܘܿܢ ܒܓܵܢܵܘܟ݂ܘܿܢ. ܠܵܐ ܡܲܚܒܸܪܝܼܬܘܿܢ ܥܲܠ ܪܲܩܡܵܐ ܝܗܝܼܒ݂ܵܐ ܩܵܐ ܠܵܘܟ݂ܘܿܢ ܓܵܘ ܡܲܚܒܲܪܬܵܐ ܐܵܘ ܐܸܓܲܪܬܵܐ ܩܵܠܵܝܬܵܐ.

ܥܲܠܕܝܼܵܢܹ̈ܐ ܩܵܘܡܵܐ ܕܠܵܐ ܫܵܒ݂ܩܝܼܠܵܘܟ݂ܘܿܢ ܕܗܲܡܙܸܡܝܼܬܘܿܢ ܥܲܡ ܚܲܕ݉ ܡܵܠܘܿܟ݂ܵܐ ܫܲܪܝܼܪܵܐ ܐܵܘ ܥܲܡ ܘܲܟܝܼܠܵܘܟ݂ܘܿܢ ܥܝܵܕܵܝܵܐ ܕܡܲܕܵܐܬܵܐ.

 

ܐܵܢܝܼ ܟܹܐ ܥܵܒ݂ܕܝܼ ܠܐܵܗܵܐ ܩܵܐ ܕܡܲܟܠܝܼ ܟܠܚܲܕ݉ ܕܐܵܡܹܪܠܵܘܟ݂ܘܿܢ ܕܐܵܗܵܐ ܝܼܠܵܗ̇ ܥܲܠܕܵܝܬܵܐ ܘܡܲܟܠܹܐ ܠܵܘܟ݂ܘܿܢ ܡ݂ܢ ܦܪܵܥܬܵܐ ܕܙܘܼܙܹ̈ܐ.

ܐܲܚܢܲܢ ܗܸܟ̰ ܠܹܐ ܡܲܟܠܹܝܚܠܵܘܟ݂ܘܿܢ ܡ݂ܢ ܕܪܵܫܬܵܐ ܕܫܘܼܓ݂ܠܵܢܵܘܟ݂̈ܘܿܢ ܕܡܲܕܵܐܬܵܐ ܥܲܡ ܚܲܕ݉ ܡܵܠܘܿܟ݂ܵܐ ܫܲܪܝܼܪܵܐ ܐܵܘ ܥܲܡ ܘܲܟܝܼܠܵܘܟ݂ܘܿܢ ܥܝܵܕܵܝܵܐ ܕܡܲܕܵܐܬܵܐ.

ܥܲܠܕܸܝܵܢܹ̈ܐ ܩܵܘܡܵܐ ܕܓ̰ܲܪܒܝܼ ܕܥܵܒ݂ܕܝܼ ܡܲܚܒܲܪܬܵܐ ܠܘܼܡܵܕܵܝܬܵܐ ܥܲܡ ܚܲܕ݉ ܡܢܲܣܝܵܐ ܕܡܲܕܵܐܬܵܐ، ܐܵܘ ܡܸܫܬܲܐܠܵܢܵܐ ܕܫܲܪܲܪܬܵܐ ܕܩܵܢܘܿܢܵܐ ܐܵܘ ܚܲܕ݉ ܪܘܼܫܡܵܝܵܐ ܐ݉ܚܪܹܢܵܐ ܕܝܼܢܵܐ ܥܲܠܕܝܵܢܹ̈ܐ.

 

ܐܵܢܝܼ ܟܹܐ ܥܵܒ݂ܕܝܼ ܠܐܵܗܵܐ ܩܵܐ ܕܡܲܒܝܸܢܝܼ ܕܡܲܚܒܲܪܬܵܐ ܝܼܠܵܗ̇ ܫܲܪܝܼܪܬܵܐ ܘܡܲܙܝܸܕܝܼ ܠܙܕܘܼܥܬܵܘܟ݂ܘܿܢ، ܐܝܼܢܵܐ ܗ̇ܘ ܦܲܪܨܘܿܦܵܐ ܐ݉ܚܪܹܢܵܐ ܝܼܠܹܗ ܚܲܕ݉ ܥܲܠܕܝܵܢܵܐ ܐ݉ܚܪܹܢܵܐ.

ܐܲܚܢܲܢ ܗܸܟ̰ ܠܹܐ ܥܵܒ݂ܕܲܚ ܡܲܚܒܲܪܬܵܐ ܠܘܼܡܵܕܵܝܬܵܐ ܥܲܡ ܦܲܪܨܘܿܦܵܐ ܬܠܝܼܬܵܝܵܐ، ܐܲܝܟ݂ ܘܲܟܝܼܠܵܘܟ݂ܘܿܢ ܕܡܲܕܵܐܬܵܐ ܐܵܘ ܚܲܕ݉ ܡܸܫܬܲܐܠܵܢܵܐ ܕܫܲܪܲܪܬܵܐ ܕܩܵܢܘܿܢܵܐ.

 

ܝܕܘܿܥܘܿܢ ܫܘܼܓ݂ܠܵܢܵܘܟ݂̈ܘܿܢ ܕܡܲܕܵܐܬܵܐ - ܡܵܨܝܼܬܘܿܢ ܥܵܒ݂ܪܝܼܬܘܿܢ ܠܓܵܘ ܚܸܠܡܲܬܹ̈ܐ ܕ ATO ܒܐܘܼܪܚܵܐ ܕܐܸܢܬܸܪܢܹܝܬ ܥܲܠ myGov ܩܵܐ ܕܫܲܪܸܪܝܼܬܘܿܢ ܫܘܼܓ݂ܠܵܢܵܘܟ݂̈ܘܿܢ ܕܡܲܕܵܐܬܵܐ ܒܟܠ ܥܸܕܵܢܵܐ ܕܗܵܘܝܵܐ. ܐܵܦ ܡܵܨܝܼܬܘܿܢ ܡܲܚܒܸܪܝܼܬܘܿܢ ܩܵܐ ܘܲܟܝܼܠܵܘܟ݂ܘܿܢ ܕܡܲܕܵܐܬܵܐ ܐܵܘ ATO.

ܥܲܠܕܝܵܢܹ̈ܐ ܩܵܘܡܵܐ ܕܛܵܠܒܝܼ ܕܦܵܪܥܝܼܬܘܿܢ ܒܐܘܼܪܚܵܐ ܕ iTunes ܐܵܘ ܕ Google Play ܐܵܘ ܕ STEAM ܐܵܘ ܕܦܸܬܩܹ̈ܐ ܐ݉ܚܪܹ̈ܢܹܐ.

 

ܐܲܢܹܐ ܦܸܬܩܹ̈ܐ ܡܸܬܡܵܨܝܵܢܬܵܐ ܝܠܵܗ̇ ܕܦܵܝܫܝܼ ܙܒ݂ܝܼܢܹ̈ܐ ܘܡܙܘܿܒܢܹ̈ܐ ܒܗܲܣܵܢܵܝܘܼܬܵܐ ܓܵܘ ܟܠܹܗ ܬܹܒܹܝܠ. ܐܲܢܹܐ ܝܼܢܵܐ ܚܵܕ݉ ܦܸܨܠܵܐ ܕܙܘܼܙܹ̈ܐ ܕܠܵܐ ܝܠܵܗ̇ ܡܸܬܡܵܨܝܵܢܬܵܐ ܬܒ݂ܵܥܬܵܝܗܝ.

ܐܲܚܢܲܢ ܗܸܟ̰ ܠܹܐ ܛܵܠܒܲܚ ܦܘܼܪܥܵܢܵܐ ܕܚܲܕ݉ ܕܲܝܢܵܐ ܒܐܘܼܪܚܵܐ ܕ iTunes ܐܵܘ ܕ Google Play ܐܵܘ ܕ STEAM ܐܵܘ ܕܦܸܬܩܹ̈ܐ ܐ݉ܚܪܹ̈ܢܹܐ.

 

ܡܵܨܝܼܬܘܿܢ ܡܲܫܟ݂ܚܝܼܬܘܿܢ ܠܐܘܼܪ̈ܚܵܬܹܐ ܩܵܢܘܿܢܵܝܹ̈ܐ ܩܵܐ ܦܪܵܥܬܵܐ ܩܵܐ ATO .

ܥܲܠܕܝܵܢܹ̈ܐ ܩܵܘܡܵܐ ܕܛܵܠܒܝܼ ܦܪܵܥܬܵܐ ܒܐܘܼܪܚܵܐ ܕ JB hi-fi ܐܵܘ ܕ Myer ܐܵܘ ܕ Woolworths ܐܵܘ ܕܦܸܬܩܹ̈ܐ ܕܕܲܫܢܵܐ ܐ݉ܚܪܹ̈ܢܹܐ ܕܒܲܙܵܪܹ̈ܐ.

 

ܡܸܬܡܵܨܝܵܢܬܵܐ ܝܠܵܗ̇ ܕܐܲܢܹܐ ܦܸܬܩܹ̈ܐ ܕܕܲܫܢܵܐ ܦܵܝܫܝܼ ܙܒ݂ܝܼܢܹ̈ܐ ܒܗܲܣܵܢܵܝܘܼܬܵܐ ܘܠܵܐ ܝܠܵܗ̇ ܡܸܬܡܵܨܝܵܢܬܵܐ ܬܒ݂ܵܥܬܵܝܗܝ.

ܐܲܚܢܲܢ ܗܸܟ̰ ܠܹܐ ܛܵܠܒܲܚ ܦܘܼܪܥܵܢܵܐ ܕܚܲܕ݉ ܕܲܝܢܵܐ ܒܐܘܼܪܚܵܐ ܕ JB hi-fi ܐܵܘ ܕ Myer ܐܵܘ ܕ Woolworths ܐܵܘ ܕܦܸܬܩܹ̈ܐ ܕܕܲܫܢܵܐ ܐ݉ܚܪܹ̈ܢܹܐ ܕܒܲܙܵܪܹ̈ܐ.

 

ܡܵܨܝܼܬܘܿܢ ܡܲܫܟ݂ܚܝܼܬܘܿܢ ܠܐܘܼܪ̈ܚܵܬܹܐ ܩܵܢܘܿܢܵܝܹ̈ܐ ܩܵܐ ܦܪܵܥܬܵܐ ܩܵܐ ATO .

ܥܲܠܕܝܵܢܹ̈ܐ ܩܵܘܡܵܐ ܕܛܵܠܒܝܼ ܦܪܵܥܬܵܐ ܒܐܘܼܪܚܵܐ ܕ Bitcoin ܐܵܘ ܕܙܘܼܙܹ̈ܐ ܪ̈ܲܩܡܵܝܹܐ ܐ݉ܚܪܹ̈ܢܹܐ، ܐܸܢ ܚܲܕ݉ ܪܹܫܵܐ ܐܵܘ ܒܡܲܬܲܒ݂ܬܵܝܗܝ ܓܵܘ ܡܵܫܝܼܢܵܐ ܕ ATM.

 

ܐܲܢܹܐ ܙܘܼܙܹ̈ܐ ܐܝܼܬ ܥܲܣܩܘܼܬܵܐ ܕܬܒ݂ܵܥܬܵܝܗܝ ܘܒܘܼܫ ܡܵܨܝܼ ܕܡܛܲܫܝܼ ܠܗܝܼܵܝܘܼܬܵܝܗܝ.

ܐܲܚܢܲܢ ܠܹܐ ܩܵܒܠܲܚ ܦܪܵܥܬܵܐ ܒܐܘܼܪܚܵܐ ܕܙܘܼܙܹ̈ܐ ܪ̈ܲܩܡܵܝܹܐ.

 

ܡܵܨܝܼܬܘܿܢ ܡܲܫܟ݂ܚܝܼܬܘܿܢ ܠܐܘܼܪ̈ܚܵܬܹܐ ܩܵܢܘܿܢܵܝܹ̈ܐ ܩܵܐ ܦܪܵܥܬܵܐ ܩܵܐ ATO .

ܥܲܠܕܝܵܢܹ̈ܐ ܩܵܘܡܵܐ ܕܛܵܠܒܝܼ ܡܸܢܵܘܟ݂ܘܿܢ ܕܦܵܪܥܝܼܬܘܿܢ ܠܓܵܘ ܚܲܕ ܚܘܼܫܒܘܼܢܝܵܐ ܦܲܪܨܘܿܦܵܝܵܐ ܕܒܲܢܟܵܐ. ܩܵܘܡܵܐ ܕܐܵܗܵܐ ܗܵܘܹܐ ܚܘܼܫܒܘܼܢܝܵܐ ܦܬܝܼܚܵܐ ܓܵܘ ܐܘܿܣܬܪܵܠܝܵܐ ܒܝܲܕ ܥܲܠܕܝܵܢܹ̈ܐ. ܙܘܼܙܹ̈ܐ ܒܸܕ ܫܲܢܝܼ ܡ̣ܢ ܚܘܼܫܒܘܼܢܝܵܐ ܠܚܘܼܫܒܘܼܢܝܵܐ ܗܲܠ ܕܦܵܝܫܝܼ ܡܫܘܿܕܪܹ̈ܐ ܠܒܲܕܲܪ ܡ݂ܢ ܐܘܿܣܬܪܵܠܝܵܐ.

ܐܲܚܢܲܢ ܐܲܚܟ̰ܝܼ ܒܸܕ ܛܵܠܒܲܚ ܦܪܵܥܬܵܐ ܕܕܲܝܢܵܐ ܕܡܲܕܵܐܬܵܐ ܠܓܵܘ ܚܲܕ ܚܘܼܫܒܘܼܢܝܵܐ ܕܒܲܢܟܵܐ ܩܸܢܛܪܘܿܢܵܝܵܐ ܕܐܘܿܣܬܪܵܠܝܵܐ (Reserve Bank of Australia). ܫܲܪܸܪܘܼܢ ܥܲܠ ܐܢܬܸܪܢܹܝܬ ܩܵܐ ܝܕܵܥܬܵܐ ܕܪܱܡܙܵܐ ܕܒܲܢܟܵܐ ܘܐܘܼܚܕܵܢܵܐ ܘܦܲܥܘܵܐ (BSB) ܝܼܠܹܗ ܪܲܩܡܵܐ ܕܚܘܼܫܒܘܼܢܝܵܐ ܕܒܲܢܟܵܐ ܩܸܢܛܪܘܿܢܵܝܵܐ ܕܐܘܿܣܬܪܵܠܝܵܐ.

 

ܡܵܨܝܼܬܘܿܢ ܡܲܫܟ݂ܚܝܼܬܘܿܢ ܠܐܘܼܪ̈ܚܵܬܹܐ ܩܵܢܘܿܢܵܝܹ̈ܐ ܩܵܐ ܦܪܵܥܬܵܐ ܩܵܐ ATO .

ܥܲܠܕܝܵܢܹ̈ܐ ܩܵܘܡܵܐ ܕܛܵܠܒܝܼ ܡܸܢܵܘܟ݂ܘܿܢ ܕܦܵܪܥܝܼܬܘܿܢ ܒܐܘܼܪܚܵܐ ܕܓܪܵܫܬܵܐ ܕܟܵܐܫ ܡ݂ܢ ܡܵܫܝܼܢܵܐ ܕ ATM ܕܠܵܐ ܡܲܦܠܲܚܬܵܐ ܕܚܕܵܐ ܟܵܐܪܕ.

ܐܲܚܢܲܢ ܗܸܟ̰ ܠܹܐ ܛܵܠܒܲܚ ܡܸܢܵܘܟ݂ܘܿܢ ܕܦܵܪܥܝܼܬܘܿܢ ܕܲܝܢܵܐ ܕܡܲܕܵܐܬܵܐ ܒܐܘܼܪܚܵܐ ܕܓܪܵܫܬܵܐ ܕܟܵܐܫ ܡ݂ܢ ܡܵܫܝܼܢܵܐ ܕ ATM ܕܠܵܐ ܡܲܦܠܲܚܬܵܐ ܕܚܕܵܐ ܟܵܐܪܕ.

 

ܡܵܨܝܼܬܘܿܢ ܡܲܫܟ݂ܚܝܼܬܘܿܢ ܠܐܘܼܪ̈ܚܵܬܹܐ ܩܵܢܘܿܢܵܝܹ̈ܐ ܩܵܐ ܦܪܵܥܬܵܐ ܩܵܐ ATO .

ܥܲܠܕܝܵܢܹ̈ܐ ܩܵܘܡܵܐ ܕܛܵܠܒܝܼ ܡܸܢܵܘܟ݂ܘܿܢ ܕܦܵܪܥܝܼܬܘܿܢ ܒܐܘܼܪܚܵܐ ܕܫܲܢܵܝܬܵܐ ܕܙܘܼܙܸ̈ܐ ܠܓܵܘ ܚܲܕ ܚܘܼܫܒܘܼܢܝܵܐ ܕܒܲܢܟܵܐ ܕܝܼܠܹܗ ܓܵܘ ܚܲܕ ܐܲܬܪܵܐ ܐ݇ܚܪܹܢܵܐ (ܐܲܝܟܵܐ ܕܝܼܢܵܐ ܥܲܠܕܝܼܵܢܹ̈ܐ).

ܐܲܚܢܲܢ ܠܹܐ ܛܵܠܒܲܚ ܡܸܢܵܘܟ݂ܘܿܢ ܕܦܵܪܥܝܼܬܘܿܢ ܕܵܝܢܵܐ ܒܐܘܼܪܚܵܐ ܕܫܲܢܵܝܬܵܐ ܕܙܘܼܙܸ̈ܐ ܠܓܵܘ ܚܲܕ ܚܘܼܫܒܘܼܢܝܵܐ ܕܒܲܢܟܵܐ ܕܝܼܠܹܗ ܓܵܘ ܚܲܕ ܐܲܬܪܵܐ ܐ݇ܚܪܹܢܵܐ.

 

ܡܵܨܝܼܬܘܿܢ ܡܲܫܟ݂ܚܝܼܬܘܿܢ ܠܐܘܼܪ̈ܚܵܬܹܐ ܩܵܢܘܿܢܵܝܹ̈ܐ ܩܵܐ ܦܪܵܥܬܵܐ ܩܵܐ ATO .

ܥܲܠܕܝܵܢܹ̈ܐ ܩܵܘܡܵܐ ܕܛܵܠܒܝܼ ܡܸܢܵܘܟ݂ܘܿܢ ܕܦܵܪܥܝܼܬܘܿܢ ܒܐܘܼܪܚܵܐ ܕܫܲܕܲܪܬܵܐ ܕܙܘܼܙܹ̈ܐ ܟܵܐܫ (cash delivery) ܒܐܘܼܪܚܵܐ ܕܡܢܲܩܠܵܢܹ̈ܐ ܕܙܘܼܙܹ̈ܐ ܐܵܘ ܦܘܿܪܸܥܹܐ ܦܲܪܨܘܿܦܵܐܝܼܬ ܒܕܘܼܟܬܵܐ ܥܲܡܵܝܬܵܐ ܡܬܘܿܚܲܡܬܵܐ ܡ݂ܢ ܩܲܕ݉ܡ ܥܸܕܵܢܵܐ.

ܐܲܚܢܲܢ ܗܸܟ̰ ܠܹܐ ܛܵܠܒܲܚ ܡܸܢܵܘܟ݂ܘܿܢ ܕܦܵܪܥܝܼܬܘܿܢ ܒܐܘܼܪܚܵܐ ܕܡܢܲܩܠܵܢܹ̈ܐ ܕܙܘܼܙܹ̈ܐ.

 

ܡܵܨܝܼܬܘܿܢ ܡܲܫܟ݂ܚܝܼܬܘܿܢ ܠܐܘܼܪ̈ܚܵܬܹܐ ܩܵܢܘܿܢܵܝܹ̈ܐ ܩܵܐ ܦܪܵܥܬܵܐ ܩܵܐ ATO .

ܥܲܠܕܝܵܢܹ̈ܐ ܩܵܘܡܵܐ ܕܛܵܠܒܝܼ ܕܦܵܪܥܝܼܬܘܿܢ ܠܗܘܿܢ ܚܕܵܐ ܟܡܵܝܘܼܬܵܐ ܩܵܐ ܡܲܕܥܲܪܬܵܐ ܕܙܘܼܙܹ̈ܐ ܕܡܲܕܵܐܬܵܐ. ܐܵܢܝܼ ܒܸܕ ܛܵܠܒܝܼ ܡܸܢܵܘܟ݂ܘܿܢ ܥܝܵܕܵܐܝܼܬ ܕܦܵܪܥܝܼܬܘܿܢ ܒܡܲܦܠܲܚܬܵܐ ܕܦܸܬܩܵܘܟ݂ܘܿܢ ܕܕܲܝܢܵܐ ܘܒܵܬܲܪ ܗܵܕܵܟ݂ ܒܸܕ ܓܵܢܒ݂ܝܼ ܠܡܵܕܥܵܢܘܼܬܵܐ ܕܦܸܬܩܵܘܟ݂ܘܿܢ ܕܕܲܝܢܵܐ.

ܐܲܚܢܲܢ ܗܸܟ̰ ܠܹܐ ܛܵܠܒܲܚ ܡܸܢܵܘܟ݂ܘܿܢ ܦܪܵܥܬܵܐ ܩܵܐ ܡܲܕܥܲܪܬܵܐ ܕܙܘܼܙܹ̈ܐ ܕܡܲܕܵܐܬܵܐ.

 

ܠܵܐ ܝܵܗܒ݂ܝܼܬܘܿܢ ܡܵܘܕܥܵܢܘܼܬܵܐ ܕܦܸܬܩܵܘܟ݂ܘܿܢ ܕܕܲܝܢܵܐ ܩܵܐ ܗܸܟ̰ ܚܲܕ݉ ܐ݉ܢܵܫܵܐ ܫܒ݂ܘܿܩ ܡ݂ܢ ܩܵܐ ܚܲܕ݉ ܦܲܪܨܘܿܦܵܐ ܕܐܝܼܬܠܵܘܟ݂ܘܿܢ ܗܲܝܡܵܢܘܼܬܵܐ ܒܝܹܗ، ܘܫܲܪܝܼܪܵܐܝܼܬ ܒܸܛܠܵܒܵܐ ܝܠܹܗ ܠܐܵܗܵܐ ܡܵܘܕܥܵܢܘܬܵܐ.

ܥܲܠܕܝܵܢܹ̈ܐ ܩܵܘܡܵܐ ܕܡܲܩܪܸܒ݂ܝܼ ܠܐܘܼܪ̈ܚܵܬܹܐ ܐ݇ܚܪܹ̈ܢܹܐ ܕܦܪܵܥܬܵܐ ܐܼܢ ܠܵܐ ܡܨܹܐ ܠܵܘܟ݂ܘܿܢ ܕܦܵܪܥܝܼܬܘܿܢ ܠܟܠܲܝܗܝ ܙܘܼܙܹ̈ܐ ܒܚܕܵܐ ܓܵܗܵܐ.

 

ܟܹܐ ܦܵܝܫܵܐ ܐܵܗܵܐ ܥܒ݂ܝܼܕܬܵܐ ܩܵܐ ܡܲܙܝܲܕܬܵܐ ܕܓܵܗܹ̈ܐ ܕܦܪܵܥܬܵܐ ܘܟܡܵܝܘܼܬܵܐ ܟܠܵܢܵܝܬܵܐ ܕܦܘܼܪܥܵܢܵܐ.

ܩܲܕ݉ܡ ܕܥܵܒ݂ܕܝܼܬܘܿܢ ܡܵܪ̈ܝܲܙܝܵܬܹܐ ܕܚܕܵܐ ܦܪܵܥܬܵܐ، ܡܲܚܒܸܪܘܼܢ ܠܲܢ ܐܵܘ ܡܲܚܒܸܪܘܼܢ ܩܵܐ ܘܲܟܝܼܠܵܘܟ݂ܘܿܢ ܕܡܲܕܵܐܬܵܐ ܒܡܲܦܠܲܚܬܵܐ ܕܪܲܩܡܵܐ ܕܡܘܿܫܸܟ݂ܚܠܵܘܟ݂ܘܿܢ ܒܓܵܢܵܘܟ݂ܘܿܢ.

ܥܲܠܕܵܝܵܬܹ̈ܐ ܒܐܘܼܪܚܵܐ ܕܐܝܼܡܹܝܠ ܘܕܐܸܓܲܪ̈ܝܵܬܹܐ ܕܬܹܠܝܼܦ̮ܘܿܢ

ܚܲܕܟܡܵܐ ܡ݂ܢ ܕܝܼܠܵܝܵܬܹ̈ܐ ܝܕܝܼܥܹ̈ܐ ܕܥܲܠܕܵܝܵܬܹ̈ܐ ܒܐܘܼܪܚܵܐ ܕܐܝܼܡܹܝܠ ܘܕܐܸܓܲܪ̈ܝܵܬܹܐ ܕܬܹܠܝܼܦ̮ܘܿܢ ܝܼܢܵܐ ܡܫܘܿܡܗܹ̈ܐ ܓܵܘ ܛܲܒܠܝܼܬܵܐ ܕܐܸܠܬܸܚܬ. ܡܲܦܠܸܚܘܼܢ ܠܐܵܗܵܐ ܡܵܘܕܥܵܢܘܼܬܵܐ ܩܵܐ ܗܲܝܲܪܬܵܘܟ݂ܘܿܢ ܕܝܵܕܥܝܼܬܘܿܢ ܐܘܼܪ̈ܚܵܬܹܐ ܕܥܲܠܕܵܝܬܵܐ ܘܕܵܐܟ݂ܝܼ ܓ̰ܲܘܸܒܝܼܬܘܿܢ ܠܗܘܿܢ.

ܕܵܐܟ݂ܝܼ ܕܝܵܕܥܝܼܬܘܿܢ ܠܐܘܼܪ̈ܚܵܬܹܐ ܕܥܲܠܕܵܝܬܵܐ ܘܓ̰ܲܘܸܒܝܼܬܘܿܢ ܠܗܘܿܢ

ܡܵܘܕܝܼ ܩܵܘܡܵܐ ܕܥܵܒ݂ܕܝܼ ܥܲܠܕܸܝܵܢܹ̈ܐ

ܐܘܼܪܚܵܐ ܕܦܘܼܠܚܵܢܲܢ

ܥܲܠܕܝܵܢܹ̈ܐ ܩܵܘܡܵܐ ܕܛܵܠܒܝܼ ܡܸܢܵܘܟ݂ܘܿܢ ܡܵܘܕܥܵܢܘܼܬܵܐ ܕܡܓܲܠܵܝܬܵܐ ܕܗܝܼܵܝܘܬܵܘܟ݂ܘܿܢ ܦܲܪܨܘܿܦܵܝܬܵܐ ܘܡܵܘܕܥܵܢܘܼܬܵܐ ܕܫܘܼܬܐܵܣܵܘܟ݂ܘܿܢ ܙܘܼܙܵܢܵܝܵܐ ܒܐܘܼܪܚܵܐ ܕܐܸܓܲܪܬܵܐ ܕܬܹܠܝܼܦ̮ܘܿܢ ܐܵܘ ܕܐܝܼܡܹܝܠ ܩܵܐ ܡܲܕܥܲܪܬܵܐ ܕܙܘܼܙܹ̈ܐ.  

ܐܲܚܢܲܢ ܩܵܘܡܵܐ ܕܡܲܦܠܸܚܲܚ ܐܸܓܲܪܬܵܐ ܕܬܹܠܝܼܦ̮ܘܿܢ ܐܵܘ ܐܝܼܡܹܝܠ ܩܵܐ ܕܛܵܠܒܲܚ ܡܸܢܵܘܟ݂ܘܿܢ ܕܡܲܚܒܸܪܝܼܬܘܿܢ ܠܲܢ، ܐܝܼܢܵܐ ܗܸܟ̰ ܠܹܐ ܫܲܕܪܲܚ ܐܸܓܲܪܬܵܐ ܠܵܐ ܛܠܝܼܒܬܵܐ ܩܵܐ ܕܛܵܠܒܲܚ ܡܸܢܵܘܟ݂ܘܿܢ ܕܡܲܕܥܸܪܝܼܬܘܿܢ ܡܵܘܕܥܵܢܘܼܬܵܐ ܕܗܝܼܵܝܘܼܬܵܐ ܦܲܪܨܘܼܦܵܝܬܵܐ ܒܐܲܢܹܐ ܐܘܼܪ̈ܚܵܬܹܐ.

 

ܚܲܡܵܝܬܵܐ ܕܡܵܘܕܥܵܢܘܼܬܵܘܟ݂ܘܿܢ ܦܲܪܨܘܿܦܵܝܬܵܐ. ܠܵܐ ܝܵܗܒ݂ܝܼܬܘܼܢ ܪܲܩܡܵܘܟ݂ܘܿܢ ܕܡܲܕܵܐܬܵܐ TFN، ܐܵܘ ܣܝܼܩܘܿܡܵܐ ܕܡܵܘܠܵܕܵܘܟ݂ܘܿܢ ܐܵܘ ܡܵܘܕܥܵܢܘܼܬܵܐ ܕܒܲܢܟܵܘܟ݂ܘܿܢ ܫܒ݂ܘܿܩ ܡ݂ܢ ܩܵܐ ܚܲܕ݉ ܦܲܪܨܘܿܦܵܐ ܕܟܹܐ ܡܗܲܝܡܸܢܝܼܬܘܿܢ ܒܝܼܹܗ، ܘܗ̇ܘ ܫܲܪܝܼܪܵܐܝܼܬ ܒܸܛܠܵܒܘܼܗ̇ ܝܠܹܗ ܐܵܗܵܐ ܡܵܘܕܥܵܢܘܼܬܵܐ.

ܠܵܐ ܝܵܗܒ݂ܝܼܬܘܿܢ ܩܵܐ ܗܸܟ̰ ܐ݉ܢܵܫܵܐ ܡܵܘܕܥܵܢܘܼܬܵܐ ܕܥܒ݂ܵܪܬܵܐ ܠܓܵܘ myGov ܒܸܚܒ݂ܵܫܵܐ ܘܲܟܝܼܠܵܘܟ݂ܘܿܢ ܡܣܘܿܓ݂ܠܵܐ ܕܡܲܕܵܐܬܵܐ.

ܥܲܠܕܝܵܢܹ̈ܐ ܩܵܘܡܵܐ ܕܛܵܠܒܝܼ ܡܸܢܵܘܟ݂ܘܿܢ ܕܢܵܩܪܝܼܬܘܿܢ ܥܲܠ ܚܲܕ݉ ܐܲܣܘܼܪܵܐ ܓܵܘ ܐܸܓܲܪܬܵܐ ܕܬܹܠܝܼܦ̮ܘܿܢ ܐܵܘ ܐܝܼܡܹܝܠ ܩܵܐ ܥܒ݂ܵܪܬܵܐ ܠܓܵܘ ܚܕܵܐ ܚܸܠܡܲܬ ܕܐܸܢܬܸܪܢܹܝܬ.

 

ܥܲܠܕܝܵܢܹ̈ܐ ܟܹܐ ܒܵܪܝܼ ܡܣܲܓܲܠܬܵܐ ܠܓܵܘ ܦܵܬܘܵܬܹ̈ܐ ܕܕܘܼܓܠܵܐ ܕܟܹܐ ܡܲܒܝܸܢܝܼ ܫܲܪ̈ܝܼܪܹܐ. ܐܵܢܝܼ ܟܹܐ ܡܲܦܠܸܚܝܼ ܠܐܲܢܹܐ ܫܵܘܦܵܢܹ̈ܐ ܩܵܐ ܕܓܵܢܒ݂ܝܼ ܡܵܘܕܥܢܘܼܬܵܐ ܐ݉ܪܵܙܵܢܵܝܬܵܐ ܕܝܼܵܘܟ݂ܘܿܢ (ܫܸܡܵܢܹ̈ܐ ܕܡܣܲܓ݂ܲܠܬܵܐ ܐܵܘ ܕܥܒ݂ܵܪܬܵܐ ܘܡܸܠܹ̈ܐ ܐ݉ܪ̈ܵܙܵܢܵܝܹܐ).

ܐܲܚܢܲܢ ܗܸܟ̰ ܠܹܐ ܫܲܕܪܲܚܠܵܘܟ݂ܘܿܢ ܐܝܼܡܹܝܠ ܐܵܘ ܐܸܓܲܪܬܵܐ ܕܬܹܠܝܼܦ̮ܘܿܢ ܥܲܡ ܐܲܣܘܼܪܵܐ ܩܵܐ ܥܒ݂ܵܪܬܵܐ ܠܓܵܘ ܚܸܠܡܲܬܹ̈ܐ ܕܐܸܢܬܸܪܢܹܝܬ.

ܥܲܠܕܝܵܢܹ̈ܐ ܩܵܘܡܵܐ ܕܛܵܠܒܝܼ ܡܸܢܵܘܟ݂ܘܿܢ ܕܢܵܩܪܝܼܬܘܿܢ ܥܲܠ ܚܲܕ݉ ܐܲܣܘܼܪܵܐ ܓܵܘ ܐܸܓܲܪܬܵܐ ܕܬܹܠܝܼܦ̮ܘܿܢ ܐܵܘ ܐܝܼܡܹܝܠ ܩܵܐ ܡܲܨܠܵܝܬܵܐ ܕܦܸܬܩܹ̈ܐ ܐܵܘ ܠܦܵܦܹ̈ܐ ܐ݉ܣܝܼܪܹ̈ܐ ܒܝܼܵܝܗܝ.

 

ܩܵܘܡܵܐ ܕܥܵܒ݂ܕܝܼ ܠܐܵܗܵܐ ܩܵܐ ܕܢܵܨܒ݂ܝܼ ܚܘܼܪ̈ܙܹܐ ܥܲܠ ܟܘܼܡܦܝܘܼܬܲܪ ܕܝܼܵܘܟ݂ܘܿܢ ܩܵܐ ܕܡܵܛܝܼ ܠܡܵܘܕܥܵܢܘܼܬܵܘܟ݂ܘܿܢ. ܐܵܘ ܩܵܘܡܵܐ ܕܐܵܢܝܼ ܚܲܡܝܼ ܠܡܵܘܕܥܵܢܘܼܬܵܐ ܡܓܲܠܝܵܢܬܵܐ ܕܗܝܼܵܝܘܼܬܵܘܟ݂ܘܿܢ ܦܲܪܨܘܿܦܵܝܬܵܐ ܐܵܘ ܠܡܵܘܕܥܵܢܘܼܬܵܘܟ݂ܘܿܢ ܙܘܼܙܵܢܵܝܬܵܐ ܩܵܐ ܡܲܦܠܲܚܬܵܐ ܥܲܠܕܸܝܵܢܬܵܐ ܒܕܲܥܬܝܼܕ.

ܗܵܘܝܼܬܘܿܢ ܗܸܫܝܲܪ ܐܝܼܡܲܢ ܕܡܲܨܠܝܼܬܘܿܢ ܠܦܵܦܹ̈ܐ ܐ݉ܣܝܼܪܹ̈ܐ ܐܵܘ ܕܢܵܩܪܝܼܬܘܿܢ ܥܲܠ ܐܲܣܘܼܪܹ̈ܐ، ܐܵܦ ܐܸܢ ܡܘܿܒܝܸܢܵܐ ܐܸܓܲܪܬܵܐ ܡ݂ܢ ܚܲܕ ܦܲܪܨܘܿܦܵܐ ܕܝܵܕܥܝܼܬܘܿܢ ܠܹܗ.

ܥܲܠܕܵܝܵܬܹ̈ܐ ܥܲܠ ܝܘܼܕܵܥܵܐ ܫܵܘܬܵܦܵܝܵܐ

ܚܲܕܟܡܵܐ ܡ݂ܢ ܕܝܼܠܵܝܵܬܹ̈ܐ ܝܕܝܼܥܹ̈ܐ ܕܥܲܠܕܵܝܵܬܹ̈ܐ ܕܝܘܼܕܵܥܵܐ ܫܵܘܬܵܦܵܝܵܐ ܝܼܢܵܐ ܡܫܘܿܡܗܹ̈ܐ ܓܵܘ ܛܲܒܠܝܼܬܵܐ ܕܐܸܠܬܸܚܬ. ܡܲܦܠܸܚܘܼܢ ܠܐܵܗܵܐ ܡܵܘܕܥܵܢܘܼܬܵܐ ܩܵܐ ܗܲܝܲܪܬܵܘܟ݂ܘܿܢ ܕܝܵܕܥܝܼܬܘܿܢ ܐܘܼܪ̈ܚܵܬܹܐ ܕܥܲܠܕܵܝܬܵܐ ܘܕܵܐܟ݂ܝܼ ܓ̰ܲܘܸܒܝܼܬܘܿܢ ܠܗܘܿܢ.

ܕܵܐܟ݂ܝܼ ܝܵܕܥܝܼܬܘܿܢ ܘܓ̰ܲܘܒܝܼܬܘܿܢ ܠܥܲܠܕܵܝܵܬܹ̈ܐ ܕܝܘܼܕܵܥܵܐ ܫܵܘܬܵܦܵܝܵܐ

ܡܵܘܕܝܼ ܩܵܘܡܵܐ ܕܥܵܒ݂ܕܝܼ ܥܲܠܕܸܝܵܢܹ̈ܐ

ܐܘܼܪܚܵܐ ܕܦܘܼܠܚܵܢܲܢ

ܥܲܠܕܝܵܢܹ̈ܐ ܩܵܘܡܵܐ ܕܒܵܪܝܼ ܚܘܼܫܒܘܼܢܝܹ̈ܐ ܕܝܘܼܕܵܥܵܐ ܫܵܘܬܵܦܵܝܵܐ ܒܕܘܼܓܠܵܐ ܘܫܲܕܪܝܼܠܵܘܟ݂ܘܿܢ ܛܠܵܒܝܵܬܹ̈ܐ ܩܵܐ ܕܛܵܠܒܝܼ ܡܸܢܵܘܟ݂ܘܿܢ ܡܵܘܕܥܵܢܘܼܬܵܐ ܦܲܪܨܘܿܦܵܝܬܵܐ ܐܵܘ ܦܘܼܪ̈ܥܵܢܹܐ.

 

ܐܝܼܡܲܢ ܕܐܲܩܸܦܝܼܬܘܿܢ ܥܲܠ ܦܪ̈ܵܣܝܵܬܲܢ ܕܝܘܼܕܵܥܵܐ ܫܵܘܬܵܦܵܝܵܐ، ܩܵܘܡܵܐ ܕܓ̰ܲܘܸܒܝܼ ܘܡܲܩܪܒ݂ܝܼ ܗܲܝܲܪܬܵܐ، ܘܛܵܠܒܝܼ ܡܸܢܵܘܟ݂ܘܿܢ ܕܫܲܕܪܝܼܬܘܿܢ ܐܸܓܲܪܬܵܐ ܩܵܐ ܠܵܝܗܝ.

 

ܐܲܚܢܲܢ ܟܹܐ ܦܵܠܚܲܚ ܒܟܲܫܝܼܪܘܼܬܵܐ ܩܵܐ ܡܲܟܠܵܝܬܵܐ ܕܐܲܢܹܐ ܥܲܠܕܵܝܵܬܹ̈ܐ ܐܝܼܡܲܢ ܕܡܲܒܝܸܢܝܼ.

ܐܲܚܢܲܢ ܝܼܘܲܚ ܥܲܠ FacebookExternal Link ܘ InstagramExternal Link ܘ XExternal Link ܘ LinkedInExternal Link، ܐܝܼܢܵܐ ܗܸܟ̰ ܠܹܐ ܡܲܦܠܸܚܲܚ ܠܐܲܢܹܐ ܐܘܼܪ̈ܚܵܬܹܐ ܕܝܘܼܕܵܥܵܐ ܫܵܘܬܵܦܵܝܵܐ ܩܵܐ ܕܛܵܠܒܲܚ ܡܸܢܵܘܟ݂ܘܿܢ ܕܡܲܩܪܸܒ݂ܝܼܬܘܿܢ ܡܵܘܕܥܵܢܘܼܬܵܐ ܦܲܪܨܘܿܦܵܝܬܵܐ ܐܵܘ ܐܸܫܛܵܪܹ̈ܐ ܐܵܘ ܕܛܵܠܒܲܚ ܦܘܼܪ̈ܥܵܢܹܐ ܡܸܢܵܘܟ݂ܘܿܢ.

 

ܡܵܨܝܼܬܘܿܢ ܕܝܵܕܥܝܼܬܘܿܢ ܕܝܼܠܹܗ ܚܘܼܫܒܘܼܢܝܲܢ ܫܲܪܝܼܪܵܐ ܕ Facebook ܟܲܕ ܦܵܬܵܐ ܕܝܸܵܢ ܐܝܼܬܠܵܗ̇ ܢܝܼܫܲܢܩܵܐ ܡܝܼܠܵܐ ܕܫܲܪܲܪܬܵܐ ܠܝܲܡܝܼܢܵܐ ܕܫܸܡܲܢ (ܡܲܟ݂ܬܒ݂ܵܐ ܕܡܲܕܵܐܬܵܐ ܕܐܘܿܣܬܪܵܠܝܵܐ). ܟܹܐ ܚܵܒܹܫ ܚܘܼܫܒܘܼܢܝܲܢ ܕ X ܥܲܠ ܢܝܼܫܲܢܩܵܐ ܩܸܛܡܵܢܵܝܵܐ ܒܕܸܦܢܵܐ ܕܫܸܡܲܢ (ato_gov_au).

 

ܡܵܨܝܼܬܘܿܢ ܫܲܪܸܪܝܼܬܘܿܢ ܠܲܢ ܥܲܠ LinkedIn ܠܐܲܟܘܼܕܹܐ ܩܵܐ ܕܚܘܼܫܒܘܼܢܝܵܐ ܕܥܒ݂ܝܪܹ̈ܐ ܝܬܘܿܢ ܐܸܠܹܗ:

  • ܐܝܼܬܠܹܗ ܪܸܡܙܵܐ ܪܘܼܫܡܵܝܵܐ ܕ ATO ܘܫܸܡܵܐ ܕܫܘܼܬܐܵܣܵܐ ܠܕܸܦܢܵܐ ܕܐܸܓܲܪܬܵܐ. ܗܵܘܝܼܬܘܿܢ ܗܸܫܝܲܪ ܡ݂ܢ ܦܘܼܪ̈ܫܘܼܢܝܹܐ ܙܥܘܿܪܹ̈ܐ ܓܵܘ ܫܸܡܲܢ، ܐܲܝܟ݂ ܡܲܟ݂ܬܒ݂ܵܐ ܕܡܲܕܵܐܬܵܐ ܕ ‘ܐܘܿܣܬܪܵܠܝܵܐ‘ ܡ݂ܢ ܓܹܢ݉ܒ ܡܲܟ݂ܬܒ݂ܵܐ ܕܡܲܕܵܐܬܵܐ ‘ܐܘܼܣܬܪܵܠܝܵܝܵܐ‘
  • ܦܝܼܫܵܐ ܝܠܹܗ ܦܪܝܼܣܵܐ ܗܲܡܵܫܵܐ ܥܲܠ LinkedIn ܘܩܵܐ ܥܸܕܵܢܵܐ ܝܲܪܝܼܟ݂ܬܵܐ
  • ܐܲܚܟ̰ܝܼ ܟܹܐ ܡܲܩܪܸܒ݂ ܩܵܐ ܠܵܘܟ݂ܘܿܢ ܐܝܼܡܹܝܠ ܕܦܪܵܩܵܐ ܝܠܹܗ ܒ 'gov.au'
  • ܠܲܝܬ ܓܵܘ ܐܸܓܲܪ̈ܝܵܬܵܝܗܝ ܚܸܠܛܹ̈ܐ ܕܛܲܒ݂ܥܵܐ ܐܵܘ ܕܬܘܼܪܵܨ ܡܲܡܠܠܵܐ
  • ܐܝܼܬܠܹܗ ܡܸܢܝܵܢܵܐ ܓܘܼܒ݂ܪܵܐ ܕܬܵܒܥܵܢܹ̈ܐ ܕܚܘܼܫܒܘܼܢܝܵܐ.

 

ܐܲܚܢܲܢ ܗܸܟ̰ ܠܹܐ ܝܵܗܒ݂ܵܚ ܘܫܵܩܠܲܚ ܥܲܡܵܘܟ݂ܘܿܢ ܒܐܘܼܪܚܵܐ ܕ Whatsapp.

 

ܗܸܟ̰ ܠܵܐ ܫܲܪܸܟܝܼܬܘܿܢ ܡܵܘܕܥܵܢܘܼܬܵܐ ܐܲܝܟ݂ TFN ܐܵܘ myGov ܕܝܼܵܘܟ݂ܘܿܢ ܐܵܘ ܡܵܘܕܥܵܢܘܼܬܵܐ ܕܚܘܼܫܒܘܼܢܝܵܐ ܕܒܲܢܟܵܘܟ݂ܘܿܢ ܥܲܠ ܝܘܼܕܵܥܵܐ ܫܵܘܬܵܦܵܝܵܐ، ܒܸܚܒ݂ܵܫܵܐ ܒܐܘܼܪܚܵܐ ܕܐܸܓܲܪ̈ܝܵܬܹܐ ܕܝܼܠܵܢܵܝܹ̈ܐ.

 ܦܣܝܼܣܵܐ ܒܝܲܕ ܫܘܿܠܛܵܢܵܐ ܐܘܿܣܬܪܵܠܝܵܝܵܐ، ܟܵܢܒܝܼܪܵܐ.  



QC60566