हाम्रा प्रतिवद्धता, हामीले तपाईंसँग गरेका अपेक्षा र असन्तुष्ट हुँदा तपाईं के गर्न सक्नुहुन्छ भन्ने बारेमा जान्नुहोस् ।
यो पृष्ठमा
- हाम्रो चार्टरको बारेमा
- तपाईं प्रतिको हाम्रो प्रतिबद्धता
- हामीले तपाईंबाट अपेक्षा गर्ने कुराहरू
- तपाईं कुनै निर्णयको पुनरावलोकन होस् भन्ने चाहनुहुन्छ भने तपाईंले पालना गर्नु पर्ने चरणहरू
- तपाईं हाम्रो सेवासँग सहमत हुनुहुन्न भने तपाईंले चाल्नु पर्ने कदमहरू
- हामीलाई सम्पर्क गर्ने विधि
हाम्रो बडापत्र (चार्टर) को बारेमा
हामी अष्ट्रेलियाली कर, सुपर र व्यावसायिक रजिस्टरीसम्बन्धी सेवा प्रदान गर्छौँ। हामी समुदायमा सरकारी सेवा प्रवाह पनि गर्छौँ ।
हामीले प्रदान गर्ने स्वास्थ्य सेवा, शिक्षा तथा सामुदायिक पूर्वाधार जस्ता सेवाहरूले अष्ट्रेलियाली जीवन पद्धतिलाई टेवा पुर्याउने अहम् भूमिका खेल्छन् ।
तपाईंको पनि यसमा महत्त्वपूर्ण भूमिका हुन्छ । कहिलेकाहीँ तपाईंको उत्तरदायित्वको कारणले तपाईंले हामीसँग सहकार्य गर्नु पर्ने हुन सक्छ ।
हामी तपाईंले हामीसँग सहकार्य गरेका बेला तपाईंसँग पेसागत रूपमा व्यवहार गरेर तपाईंको अनुभव सहज होस् भन्ने कुरा सुनिश्चित गर्छौँ ।
हाम्रो बडापत्रमा:
- तपाईंले हामीसँग अन्तरक्रिया गर्दा के अपेक्षा गर्न सक्नुहुन्छ भन्ने बारेमा जानकारी हुन्छ
- यो हामीसँग सहकार्य गर्ने सबैमा लागू हुन्छ
- यो हामी सबैले पालना गर्नु पर्ने कानुन, संहिता र सिद्धान्तमा आधारित हुन्छ ।
तपाईं हामीले लिएको निर्णयसँग सहमत नभएको अवस्थामा वा तपाईंलाई हामीले बडापत्रको पालना गरेका छैनौँ जस्तो लागेका बेलामा यो बडापत्रमा तपाईंले चाल्नु पर्ने कदमहरू पनि दिइएको छ ।
तपाईं प्रतिको हाम्रो प्रतिबद्धता
उचित र न्यायोचित उपचार
तपाईं र हाम्रो सम्बन्ध पारस्परिक विश्वास र सम्मानमा आधारित हुन्छ । हामी आफ्ना सबै गतिविधिमा न्यायोचित, नैतिकवान र उत्तरदायी हुने कुरामा प्रतिबद्ध छौँ ।
हामी:
- तपाईंसँग सम्मान, विनम्रताका साथमा व्यवहार गर्छौँ
- इमानदारिता र निष्ठा का साथ गतिविधि सञ्चालन गर्छौँ
- हामी भेदभावरहित हुन्छौं र राम्रो मनसाय लिएर काम गर्छौँ
- तपाईंसँग व्यवहार गर्दा तपाईं इमानदार हुनुहुन्छ भन्ने हिसाबले व्यवहार गर्छौँ र तपाईं स्पष्टीकरण दिने अवसर दिन्छौँ
- पेसागत परामर्शदाताहरू जस्ता तपाईंका प्रतिनिधिहरूसँग सहकार्य गर्छौँ ।
पेसागत सेवा
हामीलाई कानुनअन्तर्गत तपाईंलाई प्राप्त हुने अधिकार र तपाईंले पूरा गर्नु पर्ने कर्तव्य जटिल हुन सक्छन् भन्ने कुरा थाह छ । हामी तपाईंलाई आफ्नो अधिकार बुझ्न र कर्तव्य पूरा गर्न मद्दत गर्न चाहिने भरपर्दो, सहज र उपयोगी जानकारी तथा सेवा दिन तत्पर रहन्छौँः
हामी:
- जबाफदेही हुन्छ र सामयिक, सटीक र सहज जानकारी उपलब्ध गराउँछौं
- आफ्ना उत्पादन र सेवालाई प्रयोग गर्न सहज र समावेशी हुने हिसाबले विकास गर्न समुदायसँग सहकार्य गर्छौँ
- वैकल्पिक माध्यम उपयोगी हुने अवस्थामा बाहेक आफ्ना सेवाहरू डिजिटल माध्यमबाट प्रदान गर्छौँ ।
सहायता र सहयोग
हामी तपाईंलाई विभिन्न समयमा विभिन्न प्रकारका सेवा चाहिन सक्छ भन्ने कुरा बुझ्छौं । अप्ठ्यारो परिस्थिति वा संकटबाट गुज्रिरहेका बेलामा आफ्ना उत्तरदायित्व पूरा गर्न मुस्किल हुन्छ भन्ने कुरा हामी बुझ्छौं । हामी तपाईंका कर्तव्यहरू हटाउन त सक्दैनौँ तर हामी तपाईंलाई तपाईंको कर्तव्य पूरा गर्ने वैकल्पिक उपाय खोजिदिन सक्छौँ ।
हामी:
- तपाईंको परिस्थितिको बारेमा बुझ्छौं र सम्भव भएसम्म ती परिस्थितिको बारेमा बिचार पर्याउँछौँ
- संकट वा अप्ठ्यारो परिस्थितिमा सहायता प्रदान गर्छौँ
- तपाईंलाई हाम्रो सेवा बुझ्न वा प्रयोग गर्न सहायता चाहिएमा सो सहायता प्रदान गर्छौँ ।
जानकारीको सुरक्षा तथा गोपनीयता
हामी तपाईंको जानकारी र तथ्याङ्कको सुरक्षा र गोपनीयतालाई गम्भीरताका साथ लिन्छौँ । हामीलाई आधुनिक डिजिटल दुनियाँमा जानकारीको गोप्यता र सुरक्षा कति महत्त्वपूर्ण हुन्छ भन्ने कुरा थाह छ ।
हामी:
- तपाईंको गोपनीयता को सम्मान गर्छौँ र कानुनले अनुमति दिएको अवस्थामा मात्र तपाईंको जानकारी आदान प्रदान गर्छौँ
- साइबर सुरक्षा र पहिचान संरक्षण को विभिन्न चरण प्रयोग गरी तपाईंको जानकारी र अनलाइन कारोबारलाई सुरक्षित राख्छौं
- आफ्ना सेवा प्रदान गर्न आचार संहिताको पालना गरेर जानकारी प्राप्त गर्छौँ, प्रयोग गर्छौँ र सेयर गर्छौँ ।
तपाईंलाई अद्यावधिक जानकारी दिइरहन्छौँ
हामी आफूले तपाईंसँग गर्ने अन्तर्क्रियादौरान पारदर्शी र उत्तरदायी हुने कुरामा प्रतिबद्ध छौँ ।
हामी:
- आफूले गरेका निर्णयका बारेमा व्याख्या गर्छौँ
- हाम्रो प्रगतिका बारेमा तपाईंलाई अद्यावधिक जानकारी दिइरहन्छौँ
- तपाईंलाई सम्पर्क गरी तपाईंको अधिकार, दायित्त्यको बारेमा व्याख्या गर्छौँ
- तपाईंलाई आफ्नो जानकारी र हामीलाई आफ्नो निर्णय गर्न मद्दत गर्ने जानकारी माथिको पहुँच दिन्छौँ ।
हामीले तपाईंबाट अपेक्षा गर्ने कुराहरू
कानुनअनुसार तपाईंसँग तपाईंको परिस्थितिको आधारमा विविध दायित्वहरू हुन्छन् ।
तपाईंलाई सम्भव भएसम्म राम्रो सेवा प्रदान गर्न र तपाईंलाई आफ्नो दायित्व पूरा गर्न मद्दत गर्न हामी तपाईंसँग केही अपेक्षा राख्छौं ।
हामीसँग सम्मान, विनम्रताका साथमा व्यवहार गर्ने ।
सत्यनिष्ठ भएर कानुन अनुसार गतिविधि गर्ने ।
हाम्रा प्रश्नको जवाफ समयमा दिने र हामीले मागेको जानकारी उपलब्ध गराउने । हामी हामीसँग भएको जानकारी पुष्टि गर्न तपाईंलाई प्रश्न सोध्न वा थप जानकारी संकलन गर्न सक्छौँ ।
कसैले तपाईंको प्रतिनिधित्व गर्दै छ भने हामीलाई जानकारी दिने । हामीले हामीलाई प्रदान गर्ने जानकारी सही छ भन्ने कुरा सुनिश्चित गर्नु पर्छ ।
फाराम पेस गर्ने र भुक्तानी गर्ने जस्ता आफ्नो दायित्वहरू समयमा पूरा गर्ने । तपाईं समय मै यी काम गर्न सक्नुहुन्न भने हामीलाई सकेसम्म चाँडो यो कुराको जानकारी दिनुहोस् । हामी तपाईंलाई सहयोग गर्ने प्रयास गर्ने छौँ ।
सही तरिकाले अभिलेख राख्ने र हामीले अभिलेख माग्दा उपलब्ध गराउने ।
आफ्नो पहिचान खुलाउने जानकारी सुरक्षित राख्ने र जानकारीमा परिवर्तन भएमा हामीलाई जानकारी दिने ।
तपाईं कुनै निर्णयको पुनरावलोकन होस् भन्ने चाहनुहुन्छ भने तपाईंले पालना गर्नु पर्ने चरणहरू
तपाईंलाई हामीले त्रुटिपूर्ण ढंगले कुनै निर्णय गरेका छौँ जस्तो लाग्छ भने तपाईंको गुनासो सकेसम्म चाँडो र सहज तरिकाले सम्बोधन गर्न हामी तपाईंसँग सहकार्य गर्छौँ ।
हामी कानुन परिवर्तन भने गर्न सक्दैनौँ । तर हामी तपाईंलाई तपाईंको परिस्थितिमा कसरी कानुन लागू हुन्छ भन्ने कुरा बुझ्न भने मद्दत गर्न सक्छौँ ।
हामी पुनरावलोकन गर्न लगाउने अधिकार लगायत तपाईंसँग भएका विकल्पको बारेमा र उजुरी दायर गर्ने बारेमा जानकारी पनि उपलब्ध गराउने छौँ ।
सुरुमा तपाईंको समस्या हामीबाट सम्बोधन हुन्छ वा हुन्न भन्ने कुरा थाह पाउन हामीसँग आफ्नो गुनासा राख्नुहोस् । तपाईंलाई कुनै विशेष व्यक्तिको विवरण दिइएको हुन सक्छ । अथवा तपाईं सम्पर्क गर्न सक्नुहुन्छ ।
तपाईं मूल निर्णय प्रक्रियामा सहभागी नभएको स्वतन्त्र अधिकारीबाट हामीले गरेका निर्णयको पुनरावलोकन गराइदिने अनुरोध पनि गर्न सक्नुहुन्छ ।
तपाईं हामीले गरेको आन्तरिक पुनरावलोकनसँग सहमत हुनुभएन भने तपाईं बाह्र्य पुनरावलोकनका लागि पनि अनुरोध गर्न सक्नुहुन्छ । प्रायजसो अवस्थामा तपाईंले आन्तरिक पुनरावलोकन गराएर सहमत नभएका खण्डमा मात्र बाह्र्य पुनरावलोकनका लागि अनुरोध गर्न सक्नुहुन्छ ।
तपाईंको प्रतिवाद गर्नुभएको निर्णयको आधारमा तपाईं अदालत वा न्यायिक निकाय जस्ता विविध संस्थाहरूमार्फत बाह्र्य पुनरावलोकन गराउन सक्नुहुन्छ ।
तपाईं हाम्रो सेवासँग सहमत हुनुहुन्न भने तपाईंले चाल्नु पर्ने कदमहरू
हामी हाम्रो सेवासँग सहमत हुनुहुन्न भने तपाईंले हामीलाई जानकारी दिनु पर्छ । यसले हामीलाई आफ्नो सेवा सुधार्न मद्दत गर्छ ।
हाम्रा सेवाले तपाईंका अपेक्षा पूरा नगरेका खण्डमा वा तपाईंलाई हामीले बडापत्रको पालना गरेका छैनौँ जस्तो लाग्छ भने तपाईं विभिन्न कारबाही गर्न सक्नुहुन्छः
- सुरुमा तपाईंको समस्या ATO अधिकारीसँग राखेर समस्या समाधान गराउन खोज्नुहोस् । तपाईंलाई कुनै विशेष व्यक्तिको विवरण दिइएको हुन सक्छ । अथवा तपाईं सम्पर्क गर्न सक्नुहुन्छ ।
- तपाईं सन्तुष्ट हुनुभएन भने तपाईं कुनै व्यवस्थापकसँग कुरा गर्न सक्नुहुन्छ ।
- त्यसो गर्दा पनि तपाईंको समस्या समाधान भएन भने तपाईं हाम्रा प्रक्रिया सुधार्ने प्रतिक्रिया पेस गर्न सक्नुहुन्छ वा औपचारिक उजुरी दायर गर्न सक्छन् ।
हामी सबै उजुरीलाई गम्भीरताका साथ लिन्छ र तिनको समाधान द्रुत र न्यायोचित रूपमा गर्न खोज्छौं ।
तपाईंले उजुरी गर्नुभयो भने पनि तपाईं र हाम्रो सम्बन्धमा कुनै असर हुने छैन ।
तपाईं हामीले उजुरीको बारेमा गरेको निर्णयका बारेमा सन्तुष्ट हुन सक्नुभएन भने तपाईं स्वतन्त्र अनुसन्धानका लागि Inspector-General of Taxation and Taxation OmbudsmanExternal Link मा सम्पर्क गर्न सक्नुहुन्छ ।
तपाईं निम्न अवस्थामा क्षतिपूर्तिका लागि आवेदन दिन पनि सक्नुहुन्छः
- तपाईंलाई हाम्रो कारबाहीले कानुनी दायित्व सृजना गरेको छ भन्ने लाग्छ भने
- हाम्रो त्रुटिपूर्ण कारबाहीले तपाईंको आर्थिक क्षति भएको छ भने ।
हामीलाई सम्पर्क गर्ने विधि
तपाईंसँग हाम्रा प्रतिबद्धता वा अपेक्षाको बारेमा कुनै प्रश्न वा जिज्ञासा छ भने हामीलाई सम्पर्क गर्नुहोस् पेसागत परामर्शदाता खोज्नुहोस् ।
Know our commitments to you, what we ask of you and options if you are not satisfied